Last day of College.!!

Raah dekhi thi iss din ki kabse,
Aage k sapne saja rakhe the naa jane kabse.

Bade utaavle the yahaan se jaane ko,
Zindagi ka agla padaav paane ko.
 
Par naa jane kyon ..Dil mein aaj kuch aur aata hai,
Waqt ko rokne ka jee chahta hai.

Jin baton ko lekar rote the Aaj un par hansi aati hai,
Na jaane kyon aaj un palon ki yaad bahut aati hai .
Kaha karte the ..Badi mushkil se 4 saal seh gaya,
Par aaj kyun lagta hai ki kuch apne peeche reh gaya.

Na bhoolne wali kuch yaadein reh gayi,
Yaadien jo ab jeene ka sahara ban gayi.
 
Meri taang ab kaun kheencha karega,
Jahaan 2000 ka hisaab nahi, wahaan 2 rupay k liye kaun ladega,
 
Kaun raat bhar saath jag kar padega,
KAUN MERI gaadi mujse pooche bina le jayega,

Kaun mere naye naye naam banayega.
Mein ab bina matlab kis se ladoonga,
 
Kaun fail hone par dilasa dilayega,
Kaun galti se marks aane par gaaliyaan sunayega.
 
Tapri mein Chai kis k saath piyoonga,
Wo haseen pal ab kis k saath jiyoonga,
 
Mere gaano se pareshaan kaun hoga,
Kabhi muje kisi ladki se baat karte dekh hairaan kaun hoga,
 
Kaun kahega saale tere joke pe hansi nahin aai,
Kaun peeche se bula ke kahega..aage dekh bhai..

Movies mein kiske saath dekhhonga,
Kis ke saath boring lectures jheloonga ,

Doston ke liye professor se kab lad payenge,
Kya hum ye fir kar payenge,
 
Raat ko 2 baje poha khane station kaun jayega ,
Tez gaadi chalane ki shart kaun lagayega .
 
Kaun muje mere kabiliyat par bharosa dilayega,
Aur zyada hawa mein udne par zameen pe layege ,

Meri khushi mein sach mein khush kaun hoga,

Mere gam mein mujh se zyada dukhi kaun hoga..